శా. నిప్పై పాతకతూలశైల మడచున్ నీ నామమున్ మానవుల్
తప్పన్ దవ్వుల విన్న నంతకభుజాదర్పోద్ధత క్లేశముల్
దప్పున్, దారును ముక్తులౌదురనిశాస్త్రంబుల్ మహాపండితుల్
చెప్పంగాఁదమకింక శంకవలెనా? శ్రీ కాళహస్తీశ్వరా!
భావం - శ్రీ కాళహస్తీశ్వరా! నీ నామం స్మరించినంత మాత్రమునే సర్వపాపాలు, ఘోరపాపాలు తొలుగుతాయని, యముని వలన కలిగే నరక బాధలు నశిస్తాయని శాస్త్రాలు, జ్ఞానులు చెప్తుండగా, ఈ మనుష్యులకు ఇంకా అనుమానమెందుకు తండ్రీ!
కామెంట్ను పోస్ట్ చేయండి