శా. భవకేళీ మదిరా మదంబున మహా పాపాత్ముడై వీడు న
న్ను వివేకింప డటంచు నన్ను నరకార్ణోరాశి పాలైనఁబ
ట్టవు, బాలుండొక చోట నాటతమితోడన్‌ నూతఁగూలంగఁ దం
డ్రి విచారింపక యుండునా? కటకటా! శ్రీ కాళహస్తీశ్వరా!
భావం - శ్రీ కాళహస్తీశ్వరా! చావుపుట్టకలతో కూడిన సంసారమమే కల్లు త్రాగి, మత్తెక్కి, నరుడు మహాపాపాత్ముడై నిన్ను తెలుసుకోలేకపోతున్నాడని తలచి, నరకమనే సముద్రంలో పడిపోయిన ఈ దీనుని కావవేమి? ఆట ధ్యాసలో పడిన పిల్లవాడు పొరపాటున నూతిలో పడితే అతని తండ్రి పట్టించుకోకుండా ఉంటాడా? అందువలన నన్ను రక్షించు తండ్రీ!
కామెంట్‌ను పోస్ట్ చేయండి